Gipuzkoako Parketxe Sarea Fundazioa irabazi-asmorik gabeko erakundea da. Fundazioaren helburu nagusia Gipuzkoako Parketxeen kudeaketa integratua burutzea bada ere, haren baitako jarduerak anitzak dira. Hala, Gipuzkoako Parketxeen Sarea sortu, sustatu eta zabaltzeaz gain, haren dinamizazioaz zein kudeaketa integratuaz arduratzea lehentasunezko jarduerak izango dira. Parketxe Sarearen bitartez, ingurumen-hezkuntza, natura-ingurunearen ezagutza, naturarekin lotutako natur zein hezkuntza-jarduerak sustatu nahi dira, betiere ingurumenarekiko errespetuzko balioak bultzatuz.

Gainera, Gipuzkoako Parke Naturalen egoeraren jarraipena burutzeko ikerketa-proiektuak aurrikusten dira. Hori guztia, sektore publiko eta pribatuaren arteko lankidetza bultzatuz burutzeko ahalegina egingo da. Erakundearen presidentea Jon Peli Uriguen Ansola Berrikuntzako, Landa Garapeneko eta Turismoko departamentuaren Diputatua.